就係呢盒「美心月餅」呃左我盒聖安娜雙黃白蓮蓉!!!
祝大家中秋節快樂
九江美心餅店 上
李生李太兩人到高明市撐枱腳, 見一家格局非常高檔的西餐廳人短湧湧, 於是就趁熱鬧, 去那西餐廳晚膳。
等了大慨二十分鐘, 終於有位坐。佢地懷住期待既心情, 點了兩個什扒餐。
待應很快便把熱滕滕的餐湯和餐包奉上。
OMG, 餐包發左霉!!
李太把待應召來。
李太: 餐包發左霉喎, 唔該幫我換過佢。
待應: 太太, 呢D 唔係發霉, 你睇清楚D 啦, 無問題喎。
李太: 你睇清楚啦, 咁都唔係發霉咁D 係咩呀?
待應: 太太, 呢度係西餐廳, 呢D 係西餐包黎架, 係咁架, 好正常。
李太: 西餐包? 咁即係咩國家既餐包呀? 我去歐洲同澳洲都無食過發霉既西餐包喎!
待應: ….. 咁我幫你換啦 ….
說時遲那時快, 李生已經將個發霉餐包”MIT” 爛。
李生: 唔”MIT”爛佢, 你地實會俾返第二個客食啦係咪?
侍應面懵地離開。
話說李生，香港同事，同意大利藉師傅到一酒家飲茶，師傅想試一下強國海鮮，於是李生落order 點了一味香煎黃魚。
菜上了，色香俱全。豈料一入口，嘩，咸到嘔既，於是李生召來伙計甲。
李生：點解Ｄ魚咁咸？
伙計甲：先生你有所不知喇，黃魚乃咸水魚，於海水生長，久而久之其肉質亦會變咸，此乃正常現象。
香港同事：（粗口）
李生：你知唔知石班係咩咸水定淡水魚？
伙計甲：．．．．
李生：搵個識野既人黎同我講野。
伙計甲找來部長甲。
香港同事：（粗口）
部長甲：先生，咸水魚偏咸係正常現象，可能你地食得少喇。
李生：你知唔知我以前賣魚架！
部長甲：．．．
李生：你究竟知唔知石班係咩咸水定淡水魚？
部長甲：咸水。
李生：你有無食過咁咸既石班？
部長甲：．．．
如是者，部長乙，丙，丁都係同一答案。
香港同事繼續粗口，最後，一個似乎係最話得事既部長出場。
部長：咸水魚係偏咸．．．
李生：不如你由條魚吊上黎開始到上碟既過程都講一次啦。
部長：首先我地運送過程會先冰鮮條魚．．．
李生：你係搵冰黎鮮條魚定係搵鹽黎腌條魚咋？
部長：咁我地為左增加鮮味，都會先腌一腌條魚既．．．
李生：咁呢味即係香煎咸魚啦？
部長：都可以咁講
香港同事：（粗口）
部長：其實你地下次落單可以講明唔要咸魚，我地都有其他活魚．．．
香港同事：（粗口）
師傅：算啦唔好煩喇，以後都唔響強國食魚．．．
***