「響08 年既時間, 人人都話醫療行業有前途, 個個都爭住插旗仔罷地盤, 好似春秋戰國時代咁 ….
「金融海潚同好多事件發生之後, 09 年成個私營行業有左新變化, 市場不斷汰弱留強, 開始出現三國鼎立既情況 …..
「而家響香港真正做operation 既醫療集得三間: 一係q 仔(593), 曹醫生(3886) 同我地 ….. 」
老闆, 你訓醒未ar????
呢種生涯差不多一個月了, 其實都預左會越黎越衰。花費左一段日子去接受自己”未到班” 呢個事實, 自問亦有用心去處理佢地每一件事情, 希望幫到佢地, 但係, 個結果查實又真係幾強差人意 …. 其他同事又會點諗呢? 唔知會唔會expect 我真係perform 到我而家呢個位既function?
呢間公司d 野已經夠騎呢, 而家仲要得返我一個, 湊住個咁不識趣既新上司, 我覺得每一日都好累, 好虛耗, 好demanding.
唯有希望黎緊呢個機會可以把握到啦 …
如果神真係會感召陳國立返黎, 陳國立一定立即升天。
如果神真係會感召陳國立返黎, 呢個神一定係溫室中既神 (簡稱溫神)。
天主, 你放心, 我唔會被妖孽同化, 亦唔會相信呢個瘟神既說話。
繼響將軍澳執condom 同響中環撲事後丸之後，今次我要幫公司source 一個MARY 返黎做training!!!
如果大家有門路或者知掟買既話請話聲比我知!~~~~ thank you~!
手我得一對, 年假你又要迫我清, 乜那野都關我事, 乜那野都要我做晒, 想點ar? 十九幾萬樣野等緊我, 個個一問我就要有, 冇又比人吠, 咩事呀? 唔係我唔想做, 我做junior ja 大佬, 唔好expect 我有manager 既outcome 先得ga? 佢d 野都係我幫佢做架咋!!!
我的老闆是一個神人。
自問老闆待我都不薄，所以我覺得有責任要將佢的低能事蹟記低，流芳百世!
就由佢既金句講起：
１．「打比署長」
例句：
一: 開緊流感資助同醫療卷會
「老闆，唔係我地唔做野，而係DH果邊根本都未announce d details，我地都等緊佢地…」
「咁打比署長問下D details，同佢傾傾要點做先最方便我地 … 」
二: DD
「pharmacist, 其實我地比下低既指引係咪已經跟足法例做??」
「其實我地都係跟住ordiance 做，有咁貼跟咁貼，但問題係佢訂既時候無預計到有醫療集團呢樣野，無好清晰咁講明如果一間clinic 有幾個醫生應該點做囉。」
「咁呀，幫我約阿署長上黎傾傾，睇下需唔需要修改下法例，um … 就下個禮拜二啦！咁你幫我約佢啦！」
２．「你地放工會去邊？」
例句一：
「嘉欣，你平時放工或者放假會去邊架？」
「我都係行下街，食下飯咁囉」
「嗱其實呢，放工後係應該去圖書館，睇多ｄ書，增進下自己既文化修養同埋知識。我相信，知識就係力量，你趁後生，係好應該睇多ｄ書，擴闊下自己視野… (下刪一千字)」
例句二：
「同事Ａ，你平時放工或者放假會去邊架？」
「我？返屋企煮飯囉，放假咪同老公出去兜下風遊車河囉。」
「你唔好成日陪你老公啦，女人都可以有自己既事業架嘛，得閒就應該去多Ｄ圖書館，進修下自己，增加下修養，而家無話女子無才便是德呢套架喇！唔好咁守舊啦！」
例句三：
「同事Ｂ，你平時放工或者放假會去邊架？」
「多數都係去打波同返學囉，我仲有個MASTER 未讀完。」
「雖然我地話就話收６點半，但我好鼓勵你地７點半先走架。點解？因為呢度夜晚７點半先熄冷氣，咁你地６點半就走咪好徒囉！我地係社會機構良心事業，好應該為環保出一分力，用盡Ｄ冷氣嘛！」