第一日學執藥, 好開心, 真係好開心! 未讀medsc 之前, 其實我既「志願」係讀pharm 架, 而家可以做到dispensing, 真係於願足矣囉 ~~ 望住D 藥就好似見到我既McDreamy 一樣, 每一次執好份藥, 都真係好興奮架 ~~ 不過今日遇著顛日, 做到無停手, 好累。聽日, 我一定要讀熟D 再讀熟D ~~
(* 註: 本文章標題乃因應陳小健先生之要求而命題。)
點解電視劇有ER, 妙手, grey’s anatomy, 但係就無D 劇集係講下普通科門診呢? 雖然我地舖頭平日人流算幾少, 但每日都有好多古怪野發生。不過可能我個人比較大驚少怪。。。
講明先, 我知道做呢行有呢行既專業守則, 唔應該立亂爆PT D HISTORY, 但如果我唔講名既話應該都無問題個可？
***
首先我想講下我今日學過d 咩。我落左去都兩個禮拜, 應該係時候又學新野。今日, 好多謝我既同事, 教左我咳, 鼻水, 頭痛, 肚痛, 嘔, etc 既英文係咩。仲有講左乙型肝炎既抗體同抗原分別代表d 咩。仲有解釋左入侵性肺炎鏈球菌既併發症係d 咩。唔該晒, 辛苦晒咁多位同事。但如果你地下次可以唔好搞亂消炎同殺菌, 可以清楚d 解釋俾pt 聽antibiotics 係咩, 可以唔好再寫「扒喇 c ti 毛」或者「墮落姐sick」落本notes 度, 又或者知道邊個燈掣打邊盞燈, 同埋唔好問返我chicken pox 係咩既話, 我估我應該會更加開心。
***
有個PT 睇開skin allergy (正確黎講應該係同事話佢係skin allergy, 因為我未見過佢睇醫生, 甚至唔知佢叫咩名), 響我返左工既第二日佢落黎, 我好正常地以為佢睇醫生, 諗住幫佢登記, 點知佢一入黎, 拎起本雜誌, 二話不說就坐低左響梳化度, 睇住我地個plasma tv。同事們入晒去後面笑, 原來呢個pt 係常客, 佢suppose 要成日覆診, 但據講有一日佢捉住左同事c 隻手話: 姑娘阿姑娘, 我好痕呀, 好想睇醫生呀, 但係呢輪好手緊, 點算呀!! 同事c 即刻彈開。自此之後, 佢就三日唔埋兩日就落黎睇電視, 吹佢唔漲 …
(* 27/5 update: 嘩佢今日落黎搵我 … 唱散紙 …!!! )
***
三日前有一行三個indian 黎睇醫生, 個PT 同佢老婆淨係識講印度文 (幾想同佢講namaste 呀 =P), 而另外一個 (據講係PT 個老婆個細佬) 就講流俐既廣東話。PT 叫我幫佢探熱, 一睇, 101.8F, 我見佢行得走得龍精虎猛, 仲以為自己睇錯, 點知真係咁高燒。咁跟住入去見醫生啦, 搞左好耐, 又做埋DIP TEST, 好奇望下佢咩事啦 (呢D 係關心個PT 既表現 
), 原來個PT 岩岩響印度黎左幾日, 醫生suspect 佢有malaria, 叫佢試下去種菌, 又或者去A & E 求救。indian + suspected malaria 本身已經夠古怪, 最古怪既係佢食晒三日藥之後既今日又黎睇, 由高燒變左做continuous low grade fever, 但見佢面色仲差左, 拿拿臨又入去見醫生, 今日換左第二個醫生當值, 照樣做dip test, 又驗到有haemoglobin, pt 話想抽血種菌。但據醫生講, 佢死唔信佢係malaria, 於是佢叫個pt 除褲睇下。。。原來。。。佢 … 損左。。。唔怪得有血啦! 救命, 醫生話應該係STD , 同佢打左支針, 開左D anti virial 俾佢算數 
。 呢個情況, 真係可以話攞黎搞! 知道自己損左, 就好同醫生講點解urine 有血啦! 仲有喎, 明知自己偷食中左招, 就唔好帶埋個老婆黎睇醫生啦! 想點je?
(*27/5 update: 佢前日終於落黎抽血做左個STD profile test 喇, 病向淺中醫嘛! )
(*28/5 update: report返左喇, hsv, hiv, gonorrhea 都係-ve, 於是我地問醫生, 會唔會真係malaria 呀? 醫生竟然話: 一定係syphilus! 因為個test 無做到syphilus! 醫生阿醫生, 你真funny!)
***
講開STD, 尋日見到個幾靚仔同幾有禮貌既PT 黎睇醫生, 應該係america-jin。anyway, 今日同事響度searh 返佢個history 出黎, 一望, o …..
few unprotected sex with different sp this week。
diagnosis: gonorrhea。
我知我唔應該歧視人地有STD, 咁但係。。。佢真係幾靚仔嘛 點解靚仔就可以攞正牌濫交je?
***
講起有鋪癮。
話說我地clinic 有個兒科醫生, dr. L 啦, 咁有日有個自稱港大醫學院infectious disease dept 既researcher (會唔會係k 小姐老細? ) 打黎搵dr L, 想叫佢幫手provide d pt info 做個research。「咁方唔方便講下係咩類型既research?」「STD。。。」
大哥, dr L 係兒科架 ….
***
其實無論係真係無事發生過定扮無事發生過, 我都覺得好悲哀。
\
***
其實大家應該一早都心中有數, 早知道呢條路唔易行, 但偏偏大家都揀左咁樣行法。自己既選擇, 真係無得後悔, 無得怨, 唯有努力D, 忍耐多D, 積極D , 樂觀D 啦, 如果唔係都真係幾難捱。。。。
其實我地都行左咁多路, 都唔爭在呢一兩個月啦。。。。可?
一般黎講patient 登記時寫既事都係東歪西倒難以辨認, 當然, patient 唔舒服嘛, 寫字當然係有氣無力啦 ~ 不過今日有個斯文有禮既女patient 黎登記, 字體異常地工整, 尤其是生日日期, 係好明顯地月份寫英文, 日子寫數字 (你知啦, 有人寫月-日-年, 有人寫日-月-年, 一唔問清楚就LAI 野)。我好奇一望, DOB 果欄寫住”04 JUNE”。
一個值得被尊重, 被紀念既日子, 當然要工工整整, 清清楚楚, 大大方方地寫出黎。
唔知佢果年生日有無睇新聞呢?
唔知佢對於每年生日都有一群人響維園舉起點點燭光會唔會有特別感覺呢?
其實對於一D 人所共知, 有事實根據既事情, 唔係話你一句唔認就當無發生過。所以, 那些小人在亂吠, 以為可以擦亮阿爺的鞋其實一D 都無用, 反而會激起大家既情緒。或者陰謀D 講句, 可能小人正在用苦肉計, 企圖暗地用曲線反爺爺呢 ~
雖然佢呢條曲線畫得好核突。
融 資 5 大 方 向 下 月 初 諮 詢
醫 療 供 款 擬 效 強 積 金
apple daily 16/5
【 本 報 訊 】 由 特 首 曾 蔭 權 智 囊 智 經 研 究 中 心 進 行 的 醫 療 融 資 研 究 報 告 ， 將 於 下 月 初 推 出 諮 詢 文 件 。 消 息 指 ， 報 告 的 藍 圖 包 括 五 大 方 向 ， 建 議 設 立 個 人 強 制 醫 療 供 款 戶 口 ， 供 款 率 介 乎 個 人 入 息 的 2% 至 5% ， 供 款 模 式 參 照 現 時 強 積 金 ； 報 告 又 主 張 強 化 基 層 醫 療 ， 或 建 議 政 府 資 助 市 民 在 私 營 市 場 進 行 身 體 檢 查 或 預 防 疾 病 的 項 目 ， 鼓 勵 市 民 改 變 醫 療 模 式 。 記 者 ： 陳 沛 冰
消 息 指 ， 智 經 研 究 中 心 的 巨 頭 陳 德 霖 及 有 關 專 家 ， 近 日 約 見 不 同 團 體 ， 包 括 衞 生 福 利 及 食 物 局 和 醫 管 局 諮 詢 意 見 ， 下 月 初 推 出 諮 詢 文 件 ， 之 後 舉 辦 多 場 公 開 諮 詢 會 ， 收 集 意 見 ， 下 月 底 推 出 最 後 文 本 。 外 界 視 智 經 的 報 告 ， 為 政 府 醫 療 融 資 試 探 民 意 。
供 款 率 佔 入 息 2% 至 5%
消 息 指 ， 報 告 有 五 大 重 點 ， 包 括 建 議 維 持 安 全 網 ， 如 綜 援 人 士 可 享 有 免 費 醫 療 ， 但 中 產 人 士 應 有 較 多 選 擇 ， 除 可 繼 續 使 用 公 營 醫 療 服 務 外 ， 亦 建 議 設 立 個 人 強 制 供 款 戶 口 ， 鼓 勵 市 民 對 自 己 的 健 康 負 更 多 責 任 ； 平 日 有 儲 蓄 ， 便 可 享 有 更 優 質 的 醫 療 服 務 ， 對 求 診 亦 變 得 有 計 劃 ， 減 少 濫 用 及 對 政 府 的 依 賴 。
強 制 性 供 款 戶 口 供 款 率 介 乎 個 人 入 息 的 2% 至 5% ， 供 款 模 式 參 照 現 時 強 積 金 ， 即 收 入 低 於 某 水 平 便 不 需 供 款 ， 死 後 款 項 作 為 遺 產 ， 給 予 親 人 。 但 報 告 會 否 提 出 強 制 全 民 醫 療 保 險 仍 未 有 定 案 ， 預 料 市 民 因 不 想 「 供 錢 俾 其 他 人 用 」 ， 而 不 太 接 受 ， 相 信 強 制 供 款 較 可 行 。
倡 政 府 提 供 體 檢 資 助
現 時 基 層 醫 療 仍 以 提 供 治 療 為 主 ， 身 體 檢 查 或 預 防 項 目 是 次 要 ， 醫 療 保 險 一 般 亦 不 包 括 體 檢 ， 令 市 民 忽 略 預 防 疾 病 的 重 要 性 。 消 息 指 ， 報 告 認 為 基 層 醫 療 應 以 預 防 為 主 ， 供 款 可 鼓 勵 市 民 做 更 多 體 檢 ， 或 會 建 議 政 府 為 市 民 提 供 體 檢 資 助 。 特 首 曾 蔭 權 競 選 時 ， 曾 表 示 會 將 醫 療 開 支 由 現 時 佔 公 共 總 開 支 的 15% ， 5 年 內 逐 步 增 至 17% ， 至 約 400 億 元 ， 報 告 建 議 增 加 的 開 支 ， 投 放 於 強 化 基 層 醫 療 ， 而 不 再 是 醫 管 局 ， 相 信 基 層 醫 療 競 爭 增 加 後 ， 質 素 會 提 升 。 消 息 指 ， 報 告 建 議 醫 管 局 由 資 源 分 配 及 服 務 提 供 者 集 於 一 身 ， 改 為 減 輕 服 務 提 供 者 的 角 色 ， 外 判 更 多 服 務 予 私 營 市 場 。 該 局 必 須 擔 當 培 訓 專 科 醫 生 及 應 付 突 發 事 件 ， 要 維 持 一 定 人 手 ， 但 可 將 成 本 效 益 較 低 的 服 務 外 判 ， 該 局 初 步 接 納 建 議 。
醫 療 融 資 五 大 重 點 建 議
1 ） 維 持 安 全 網 ， 如 綜 援 人 士 繼 續 享 有 免 費 醫 療
2 ） 設 立 個 人 強 制 醫 療 供 款 戶 口 ， 供 款 率 介 乎 2%-5%
3 ） 強 化 基 層 醫 療 質 素 ， 或 會 建 議 政 府 就 市 民 在 基 層 接 受 身 體 檢 查 等 項 目 提 供 資 助
4 ） 改 變 病 人 文 化 ， 減 少 依 賴 政 府 ， 對 自 己 健 康 負 上 更 多 責 任
5 ） 醫 管 局 由 現 時 集 資 源 分 配 及 服 務 提 供 者 的 角 色 於 一 身 ， 減 少 服 務 提 供 者 的 角 色 ， 將 成 本 效 益 低 的 服 務 外 判
資 料 來 源 ： 消 息 人 士
****
成篇新聞最詭異既係佢既source。
朋友send 來一個咁既野, 嘩好明顯(佢覺得) 我有咁既需要, 不過咁貴, 我唔好攬住青青?
http://hk.f2.page.auctions.yahoo.com/hk/auction/b6067832
佢下面既description 好搞鬼 ~~
一日三次每次八個鐘? 我而家仲邊有時間同精神丫, 忙到死 , 發夢都諗住個report 點寫同埋點耍班同事。
點解成件事會變得咁無間道? 我諗我要睇心理醫生, 最衰我地專科無精神科, 下次同老細反應下先。